HODONTINIMADA AFKEENNA HOOYO IYO SIDAYNU UGA ILDUUFAYNO ADEEGSIGIISA

HODONTINIMADA AFKEENNA HOOYO

IYO

SIDAYNU UGA ILDUUFAYNO ADEEGSIGIISA

■◇■
W/Q: Muscab Cabdijamal Cismaan
■◇■

Ummadda Soomaaliyeed waa bulsho ku dhaqan dhul weynaha Afrika gaar ahaan Geeska Afrika. Ummaddaasi waxa ay ood-wagaayihiin dadyow kala duwan sida Oromada, Canfarta, Amxaarada, Riindiilaha, Gambeelaha, Jalwada, Masaayda iyo Qoomiyado kale oo aad u badan. Kuwaas oo dhammantood Eebbe ku kala beeray dalalka Itoobiya, Kiinya iyo Jabuuti.

Soomaalida waxa Eebbe ku galladday diin, dhaqan iyo af uu ku suntan yahay ilbaxnimo guun ah. Si gaar ah afka Soomaaligu oo ah af aad u facweyn waa luuqade, soo na jiray guyaal aad u fara badan.

Kaadiiriinta, aqoonyahannada ku xeel-dheer aqoonta afka ee loo yaqaan af-aqoollada, waxa ay ku tilmaaman in afka Soomaalidu yahay afkii ay ka soo unkameen afafka kale ee aadamaha. Sida oo kale hiddo-baarayaasha ku talax-tagay aqoonta barashada aadamaha waxa ay sheegeen in Soomaalidu tahay asalka aadamaha ee laga soo farcamay.

Haddaba, waxa nasiib wanaag ah, in shalaytoole Dawladda Fedaraalka Soomaaliyeed ay ku soo biirisay golaheed wasiirrada, wasaarad cusub. Hase-ahaate dhanka kale waxa nasiib daro aad u weyn ah in maankii iyo muunadii madaxda Soomaaliyeed ay noqoto buumka iyo carroogga bulaalisa afafka shisheeye.

Wasaaradda waxa ay u bixiyeen "Wasaaradda Bii’ada iyo Is-badalka Cimilada", halka erayga Bii’adu uu yahay eray ka soo-jeeda afka Carabiga. Haddaba eraygaas Carabiga ah waxa u dhigma oo si walba ugu suubban in loogu adeegsado waa ereyga Soomaaliga ah ee "Deegaan." Waxa ayaan-daro aad weyn ah in dawladdii dadka Soomaaliyeed u igmadeen inay dhawrto oo ilaaliso furihii nolosheenna oo afkeenna ah in ay ilaalin waydo oo ayba adeegsan weydo ereyda toobboon ee Afkeenna hooyo.

Madaxda iyo xilosaamadyada loo igmaday inay qarankeenna u adeegaan waxa aan u soo jeedinayaa oo aan kula talinayaa: "in inta aan la hor-geyn Golaha Shacabku inuu ansixiyo, in wasaaradda cusub loogu wanqalo looguna magac-bixiyo "Wasaaradda Deeggaanka iyo Is-badalka Cimiladda."
..............................

Comments

Post a Comment

Popular posts from this blog

ODORASKA DOORASHADDA SOOMAALILAND – NATIIJADDA W/Q MUSCAB CABDI CISMAAN

Image
Hordhac    S hacabka reer Soomaaliland todobadii sano hal mar oo ka mid ah waxa aay u dareeraan doorasho qof iyo cod ah oo lagu soo doorta madaxweynaha talada qabanaya, muddo xileedka rasmiga ah ee madaxweynaha waa ammin ku siman shan sannadood, hase ahaate waxa jira labo sano oo ka baxsan sharciga dastuuriga ah oo Golaha Guurtidu u kordhiso madaxweynaha talada haya. Doorashadda Soomaaliland waa ku tartama xisbiyo tiradoodu gaarayso saddex xisbi oo kala ah xisbul xaakimka iyo labo xisbi oo mucaarad ah, xisbiyadaas oo doorashadooda la qabto tobankii sano hal mar, kuna yimaada cod dadweyne. Doorashooyinka kale ee Soomaaliland ka qabsooma dadweynuhuna soo doortaan madaxdooda waxa ka mid ah, doorashadda Golaha Wakiiladda oo dhacday labo jeer 2005-tii iyo 2021-kii, golaha wakiiladda oo muddo xileedkooda rasmiga uu yahay shan sannadood, hase ahaate joogay waqti ka badan 15 sannadood oo ay talada ku joogeen muddo kororsi. Doorashadda kale ee dadweynaha waa mid golayaasha deegaan...
Read more

MALA MAAMULI KARAA DUUL GAAJAYSAN!

Image
       W/Q Muscab Cabdi Cismaan    A adamaha dunidu waxa uu adkaysi u leeyahay duruufaha qalafsan ee soo food-saara, kuwaaso kala ah Rabbaani iyo aadame yagleele sida dagaaladda, isbadelka cimiladda, daadka iyo fatahaddaha, burburka ganacsiyadda, xanuunadda ku dhaca dadka, beeraha, xoolaha, iyo kalluunka. Inta badan duruufaha qalafsan ee soo wajaha bulshooyinka Islaamka gaar ahaan kuwa Rabbaniga ah, dadka Soomaalidu waa duul is waafiya oo walaf ah ugu qanca xaalad walba oo xaga Alle uga timaada. Hase ahaate Soomaalidu waa ku adagtahay u dul-yeelashada duruufaha aaddamuhu yagleelo gaar ahaan kuwa madaxdu talada haya sameeyaan sida gaajaysiinta. Soomaalida inta lagu jiro barwaaqada waa dulqaad badan yihiin oo dulkoodu waxa uu gaarsiisan yahay in dhib walba oo siyaasiya u dulqaataan, dhanka kalese waa adagtahay u dulqaadashada duruufaha dhaqan-dhaqaale ee si toos ah u abaaraya hab nololeedkooda. Nidaamayda aan Soomaalida dhexdeeda muddoyin faro badan ka hana-q...
Read more

SOOYAALKA SALADDAHA SOOMAALIDA

Image
  SOOYAALKA SALADDAHA SOOMAALIDA QALINKA: MUSCAB CABDI CISMAAN      M aqaalkan waxa uu si xidaarnimo iyo xeel-dheeri leh uga faaloonayaa hannaanka ay ku dhismeen maamuladda dalka ka jira, oo tiradoodu kor u dhaafayso ilaa lix maamul gobolleed, qaybtoodna isu arkaan dawladdo ka madax-banaan nidaamka fadaraalka iyo guud ahaan talada kala lagu maamulo, una dhaqma sidii dalal madax banaan.   Dhiganahan waxa dhextaal u ah suuggaan kala duwan oo saafaysa waayaha, wakhtiga iyo marinadda lasoo maray oo weli la meerayo. Maansooyinkaas oo aan ku sidkay tuducyaha qoraalkan waxa horey u tiriyey abwaanadda kala ah Maxamed Xaashi Dhamac (Gaariye) AUN iyo Maansadiisii Ergo ammintu kolkay ahayd 1992-kii iyo Ibraahin Aw Saleebaan (Gadhle) AUN maansadii Mullaax iyo silsiladdii Siinleey oo curtay 1972 ilaa 1973-kiina socotay. Suuggaantaas oo intooda badani ahayd 30-kii sano ee ugu dambayey qarnigii 20 aad . Halka maansadda Mayn oo uu horey tiriyey Abwaan Salaan Maxamu...
Read more